💥 *UDISE PLUS PART - 2*

💥 *Teacher database*

👆 *शिक्षकांची माहिती अपडेट कशी करावी*

👆 *नवीन शिक्षक एड करणे*

👆 *एखादा शिक्षक डिलीट करणे*

👇 *वरील सर्व मुद्द्यासाठी खालील लिंकवर क्लिक करून व्हिडिओ पहा*

 *https://youtu.be/pfASDq55FEI*

➖➖➖➖➖➖➖

❤️ 🅳︎🅸︎🅻︎ 🆂︎🅴︎ 🅳︎🅺︎🅶︎🆄︎🆁︎🆄︎ 

 𝓨𝓸𝓾𝓽𝓾𝓫𝓮 𝓒𝓱𝓪𝓷𝓷𝓮𝓵  

𝐏𝐥𝐞𝐚𝐬𝐞 

*Like*👍 *Comment*🖊️

*Share*⤴️ *Subscribe*UDISE PLUS भाग -2 शिक्षक माहिती अद्ययावत करणे

जिल्हांतर्गत बदली - २०२२ बदली बाबत महत्वाच्या सुचना आणि बदली सोफ्टवेअर ब...

 

मित्रांनो मोबाईल च्या वापरामुळे आपली पारंपरिक डायरीवर मित्रांची, नातेवाईकांची फोन नंबर लिहून ठेवण्याची सवय आता हळू हळू कमी होत चालली आहे. बरेच वैज्ञानिक असे सुद्धा सांगतात की तंत्रज्ञानाच्या कृत्रिम बुद्धिमतेमुळे मानवी बुद्धी चे संकलन कार्य कमी झाले आहे .यामुळे पूर्वी जसे जवळच्या मित्र, नातेवाईक यांचे नंबर लक्षात राहत होते ते प्रमाण आता फक्त घरातील फोन नंबर लक्षात राहतात.

आज आपण बघणार आहोत आपल्या मोबाईल मध्ये सेव्ह केलेले संपर्क क्रमांक जर तो मोबाईल हरवला अथवा खराब झाला तरी कसे सुरक्षित राहणार ?
त्यासाठी संपर्क क्रमांक मोबाईल किंवा सिम मध्ये सेव्ह न करता ते आपल्या गुगल अकाउंट वर सेव्ह करावे लागतील म्हणजे दुसऱ्या मोबाईल मध्ये ईमेल लॉगिन होऊन सर्व क्रमांक परत मिळवता येतील.
ही सेटिंग करण्यासाठी आपल्या मोबाईल वर ज्यांचा क्रमांक सेव्ह करायचा तो डायल करा आता क्रमांक सेव्ह ( create contact) तिथे बघा कुठे सेव्ह करावे (store the contact to) हा पर्याय दिसते त्या पुढे सिम कार्ड/डिव्हाईस अस असेल तर त्यावर क्लिक करा. तिथे तुमचं गुगल अकाउंट दिसेल त्यावर क्लिक करा, झाला तुमचा संपर्क क्रमांक गुगल वर सेव्ह.आता या नंतर जेव्हढे काही क्रमांक तुम्ही सेव्ह करत जाल ते सर्व गुगल अकाउंट वर सेव्ह होतील म्हणजे हा मोबाईल हरवला तरी दुसऱ्या मोबाईल वरून परत मिळवता येतील.
धन्यवाद..!

या जगण्यावर या जन्मावर .........

*या जन्मावर या जगण्यावर शतदा प्रेम करावे.......*
    या गाण्याच्या सुरावटी जेव्हा जेव्हा कानावर पडतात तेव्हा एका व्यक्तीची प्रकर्षाने आठवण होते त्या म्हणजे राजापूर तालुक्यातील गोठणे दोनीवडे केंद्राच्या केंद्रप्रमुख मा. सौ. नम्रता गुणिजन मॅडम यांची कारण तालुक्यातील किंवा केंद्रातील कोणत्याही कार्यक्रमाची सुरमई सुरुवात करायची जेव्हा त्यांना विनंती केली जायची तेव्हा त्या *बऱ्याच वेळा याच गाण्याची निवड करायच्या हे गाणं त्या केवळ गायच्याच नाहीत तर त्यांच्या जगण्याचे सार जणू या गाण्याच्या ओळीतुन त्या उलगडायच्या आणि समोरच्यालाही त्याची प्रेरणा द्यायच्या...*
         आज 31 मे 2020 रोजी खऱ्या अर्थाने शिक्षण क्षेत्राला वाहून घेतलेलं हे व्यक्तिमत्त्व नियत वयोमानानुसार निवृत्त होत आहे.
         सिंधुदुर्ग जिल्ह्यातील एका छोट्याश्या खेडेगावातील एका छोट्या वाडीवर त्यांचा जन्म झाला तेव्हा तो भाग इतकाही विकसित झाला नव्हता की एक मुलीने शिक्षक होण्याइतपत मजल मारावी पण गुणिजन मॅडम यांनी शिक्षणाची आवड आणि कष्टाची जोड या जोरावर शिक्षक होण्यापर्यंत चा प्रवास पूर्ण केला *आणि शिक्षण क्षेत्राला समर्पण वृत्तीने काम करणारी एक शिक्षिका मिळाली*
  प्राथमिक शिक्षिका म्हणून काम करताना आपला ठसा उमटवत असतानाच शिक्षणाच्या पुढच्या पायऱ्याही सर केल्या आणि थोड्याच कालावधीत पदवीधर शिक्षक म्हणून आपल्या शिक्षण सेवेचा दुसरा अध्याय सुरू केला. शैक्षणिक क्षेत्रात काम करताना इंग्रजी भाषा अध्ययन अध्यापनावर कमालीचे प्रभुत्व मिळवले. या कालावधीत *शासन  स्तरावरून आयोजित केलेल्या जिल्हास्तरीय त्याचबरोबर राज्यस्तरीय प्रत्येक प्रशिक्षणात मनापासून सहभाग नोंदवला* कोणत्याही स्तरावरील प्रशिक्षणाला स्त्रीपणाचे दुबळे कारण देऊन नाकारण्यापेक्षा संधी म्हणून स्वीकारत गेल्या आणि त्याचा उपयोग आपली शाळा विद्यार्थी , सहकारी शिक्षक आणि पर्यायाने शिक्षण व्यवस्थेला करून दिला.
      मॅडमना लहान पणापासूनच गायन आणि अभिनयाची प्रचंड आवड होती आणि या त्यांच्या आवडीला त्यांना लाभलेल्या त्यांच्या प्राथमिक शिक्षकांनी अधिक फुलवल्याचं त्या नेहमी सांगायच्या. या अभिनय आणि गायन कलेचा उपयोग त्यांनी विद्यार्थ्यांना शाळेविषयी गोडी निर्माण करण्यासाठी अत्यंत खुबीने केला. त्यांच्या शिक्षक म्हणून कार्यरत असण्याच्या वेळेत *त्या भागातील इतर सर्व शिक्षकांसाठी इंग्रजी मराठी कवितांच्या सुंदर चालीसह सादरीकरण करणाऱ्या स्रोत होत्या असं म्हटलं तरी वावग ठरणार नाही इतकं त्यांचं यावर प्रभुत्व आणि प्रसिद्धी होती*
       या शिक्षण क्षेत्रातील त्यांच्या समर्पण वृत्तीने केलेल्या कामाची पोहोच पावती म्हणून जिल्हा परिषद रत्नागिरी ने त्यांना *जिल्हा आदर्श शिक्षक पुरस्कार* देऊन सन्मानित केले.
          पुढे गुणिजन मॅडम यांनी *केंद्रप्रमुख* म्हणून  शिक्षण क्षेत्रातील आपल्या तिसऱ्या अध्यायाला सुरुवात केली आणि ज्या प्रामाणिक व समर्पित वृत्तीने त्यांनी एक शिक्षक म्हणून काम केलं त्याच आत्मीयतेने व झोकून देऊन केंद्रप्रमुख कारकीर्द ही पूर्ण केली.
    तसं पाहिलं तर केंद्रप्रमुख हे काम हे अत्यंत जिकिरीचे कारण 10 ते 12 शाळा त्यातील शिक्षक, विद्यार्थी तेव्हढ्या विद्यार्थ्यांचे पालक शाळा व्यवस्थापन समित्या, आणि केंद्रातील समाविष्ट गावांचे राजकीय व सामाजिक पदाधिकारी इतक्या लोकांशी संपर्क व त्यांचे प्रश्न, व यासर्वाना एकत्र बांधून शिक्षक विद्यार्थ्यांचे प्रश्न सोडवतानाच शाळेच्या बौद्धिक व भौतिक विकासासाठी काम करताना किती तारेवरची कसरत करावी लागते हे एक केंद्रप्रमुख च जाणो पण गुणिजन मॅडमनी आपल्या केंद्रप्रमुख कारकीर्दीत या सर्वांना कधीच तक्रारीची संधी दिली नाही. गोठणे दोनीवडे केंद्रातील समाविष्ट सर्वच गावातील शाळा त्यातील शिक्षक विद्यार्थी ग्रामस्थ पालक आणि सर्व राजकीय पदाधिकारी यांच्याशी गुणिजन मॅडम यांचे आपुलकी चे नाते होते प्रत्येक गावातील शैक्षणिक व शासकीय कार्यक्रमात मॅडमना नेहमीच सन्मानाचे स्थान मिळायचे शाळेच्या विकासासाठी गावातील पदाधिकारी , ग्रामस्थ व व पालकांशी त्या नेहमीच हक्काने बोलायच्या व शाळेच्या समस्या सोडवण्यासाठी त्यांना भाग पाडायच्या त्यांच्या कार्यकालावधीत  गोठणे दोनीवडे केंद्रातील शाळांनी बौद्धिक व भौतिक आघाडीवर तालुक्यात उल्लेखनीय काम केलं. प्रत्येक शाळेतील शिक्षकांशी त्यांचं नात एक प्रशासकीय अधिकारी एव्हढं मर्यादित नव्हतं तर ते आपुलकीचं, आणि एका प्रेमळ मार्गदर्शकाचं होतं. *केंद्रप्रमुख झाल्यानंतरही त्यांच्यातील प्रामाणिक शिक्षक कधीच संपला नाही कोणत्याही शाळेला भेट दिल्यानंतर त्या कधी वर्गात गेल्या नाहीत असे झाले नाही. वर्गात जाऊन त्या आपलं केंद्रप्रमुख पद विसारायच्या आणि त्यांच्यातील प्रेमळ शिक्षक जागा व्हायचा आणि अतिशय तन्मयतेने मुलांना गाणी गोष्टी शिकवायच्या , केंद्रातील जवळजवळ सर्वच शाळेतील मुलांना इंग्रजी कवितांचे  कृतीसह गायन हे त्यांच्याकडूनच मिळायच आणि सर्वच शाळेतील विद्यार्थी त्यांची आतुरतेने वाट पाहायचे*
 केंद्रातील शिक्षकांवर कधी रागावल्या नाहीत उलट शिक्षकांनी केलेल्या छोट्यातल्या छोट्या कामाचाही उल्लेख त्या अतिशय हृदयापासून करायच्या शिक्षकांचं अभिनंदन आणि गुणगान गाण्यात त्या कधीच थकायच्या नाहीत किंवा विसरायच्याही नाहीत.
     केंद्रप्रमुख गुणिजन मॅडम यांच्या कारकिर्दीतील केंद्रातील कोणताही कार्यक्रम असो तो एक कौटुंबिक कार्यक्रमच वाटायचा मग ती नेहमीची मुख्याध्यापक मीटिंग असो किंवा केंद्रास्तरीय क्रीडास्पर्धा नेहमीच चैतन्यमय आणि सर्वाना एकत्र घेऊन सर्व उपक्रम व कार्यक्रम पार पडायचे.
         राजापूर शहराच्या दोन्ही बाजूला पसरलेल्या *गोठणे दोनीवडे* केंद्राचे केंद्रप्रमुख पद त्यांनी अतिशय मेहनतीने व जबाबदारी ने पार पडले शाळांना भेटी देताना स्त्रीत्व आणि दुर्गमता याचं कधीही अवडंबर माजवलं नाही किंवा कधी जबाबदारी टाळण्याचा प्रयत्न केला नाही. कोकणातल्या प्रचंड पावसातही आपल्या छोट्याश्या दुचाकीवरून त्या शाळांना भेटी देण्यात आणि शिक्षक विद्यार्थ्याचा उत्साह वाढवण्यात कमी पडल्या नाहीत. अनेकदा त्या भिजलेल्या अवस्थेतही शाळेपर्यंत पोचायच्या आणि अनेकदा त्यांच्या गाडीचे छोटे मोठे अपघातही घडले पण यासर्वांचा त्यांच्या शैक्षणिक व्रतावर नोकरीच्या शेवटपर्यंत कोणताच परिणाम झाला नाही. घरच्या संसाराच्या जबाबदारी बरोबरच केंद्रप्रमुख म्हणून जिल्हा,तालुका या ठिकाणच्या मिटींगावर मिटिंग्ज आणि नंतर त्यासर्वांचा केंद्रातील शिक्षकांकडून फॉलोअप हे सगळं मॅडमनी विनातक्रार पार पडलं  प्रशासन आणि शिक्षक (शाळा) यामधील दुवा म्हणून काम करताना प्रसंगी मतभेदाचे प्रसंग उद्भवलेही नाही असे नाही स्त्री प्रशासक म्हणून काम करताना हाताखालच्या पुरुषी अहंकारानेही कधी कधी त्रासाचे क्षण समोर आलेही पण मॅडमनी यासर्वाना धीराने व संयमाने हाताळले.
         वैयक्तिक माझ्या शिक्षक म्हणून झालेल्या नोकरीच्या कालावधीत *आद. गुणिजन मॅडम* यांनी केंद्रप्रमुख म्हणून सन्मानाचे स्थान आहे. खरवते कोंडवाडी सारख्या दुर्गम आणि छोट्याश्या वाडीवरील एक शिक्षकी शाळेत काम करत असताना विद्यार्थ्याची शैक्षणिक प्रगती आणि सर्व शालेय प्रशासकीय कामकाज आणि शेकडो किलोमीटर दूर असलेली बायको मुलं या सर्वामध्ये माझी चांगलीच फरफट व्हायची नैराश्य यायचं पण अनेकदा अशा खडतर रस्त्यावरूनही प्रवास करून मॅडमनी मला माझ्या शाळेला आणि विद्यार्थ्यांना अनेकदा धीर आणि सहकार्य केलं. समजून घेतलं आणि तिथं राहून जे काही मी थोडं फार करू शकलो त्यामध्ये माझ्या केंद्रातील सर्व शिक्षक बंधू भगिणीमुळे व गुणिजन मॅडम यांच्यामुळेच शक्य झाले हे मी प्रामाणिक पणे सांगतो.

    आज मॅडम निवृत्त होत आहेत याला केवळ शासकीय नियम जबाबदार आहे कारण त्या मनानं, शरीरानं अजूनही शिक्षण क्षेत्राला खूप काही देऊ शकतात हे कोणीही नाकारू शकत नाही. एका व्रतस्थ शिक्षण प्रेमीचे निवृत्ती नंतरचे दिवस हे निश्चितच कठीण असणार कारण शाळा आणि विद्यार्थी हा त्यांच्या जीवनाचा अविभाज्य घटक आहे आणि आज पासून त्या या सर्वापासून अधिकृतरित्या दुरावल्या जाणार याचा त्यांना निश्चितच त्रास हिट असणार यात शंका नाही.
       आजपर्यंत केंद्रातील सर्वांना आईच्या मायेने सांभाळणाऱ्या गुणिजन मॅडम यांचा निरोप समारंभ तितकाच अविस्मरणीय व्हावा यासाठी सध्या कार्यरत असणाऱ्या केंद्रातील शिक्षकांनी अतिशय हृदयापासून *शुभेच्छा समारंभाचे नियोजन* केले होते ज्याचे माझ्यासारख्या केंद्रातून इतरत्र बदली होऊन गेलेल्या शिक्षकांनाही आकर्षण होते पण दुर्दैवाने आज सर्वत्र कोरोनाच्या जीवघेण्या साथीमुळे आमच्या हृदयाच्या जवळच्या या कार्यक्रमाला मुकावे लागले आहे. कदाचित सर्व काही सुरळीत झाल्यावर हा कार्यक्रम होईलही पण आजचा दिवस महत्वाचा आहे आणि सकाळी जाग आल्यापासूनच माझ्या मनात यासर्व आठवणी तरळायला सुरू झाल्या आणि यालेखाच्या मदतीने त्यांना मूर्त रूप देण्याचा प्रयत्न केला. अजूनही बरंच लिहिता येईल पण तूर्तास थांबतो
       *आमच्या आदर्श केंद्रप्रमुख सौ. नम्रता गुणिजन मॅडम यांना माझ्या कडून आणि त्यांच्या कालावधीत बदलून गेलेल्या निवृत्त झालेल्या आणि सध्या कार्यरत असलेल्या माझ्या सर्व शिक्षक बंधू भगिनींकडून पुढील आयुष्यासाठी मनःपूर्वक शुभेच्छा भावी काळात त्यांना समाधानी व आरोग्यदायी आयुष्य लाभो ही सदिच्छा !!*
💐💐💐💐💐💐💐💐💐💐💐

✍️ _*दिपककुमार कांबळे*_
माजी शिक्षक केंद्र गोठणे दोनीवडे

🙏🙏🙏🙏🙏🙏🙏🙏🙏🙏

खूपच उपयुक्त व्हाट्सएप व टेलिग्राम ग्रुप लिंक्स

🙏 नमस्कार
         बंधू भगिनींनो
मी whatsapp आणि टेलिग्राम च्या माध्यमातून काही महत्वाचे ग्रुप क्रियेट केले आहेत ज्याचा आपल्याला निश्चितच उपयोग होईल तेव्हा आपली इच्छा असल्यास खालील दिलेल्या लिंकवरून जॉईन होऊ शकता

🚨 _*राज्यस्तरीय कथा कादंबरी क्रमशः वाचन ग्रुप 1 ते 16*_

https://chat.whatsapp.com/82qLctXWTe1EjYJf9bVnfv


📚 वाचू आनंदे क्र 10 लिंक

https://chat.whatsapp.com/9G4XxVKEoSK3o62eYOSy74

🚨 _*ऑनलाईन शॉपिंग ग्रुप 1 ते 4  ब्रॅण्डेड कपडे, गृहोपयोगी वस्तू, इलेक्ट्रॉनिक व इतर सर्व वस्तू आकर्षक किमतीत, घरपोच वस्तू मिळाल्यावर पैसे,  न आवडल्यास रिटर्न व रिफंड*_
💁🏻‍♀️ फक्त महिलांसाठी
https://chat.whatsapp.com/FEYuWBsNPbCK6jPBzYYB9X
💁‍♂️ फक्त पुरुषांसाठी

https://chat.whatsapp.com/KHfriJOk6zDFQr3fqBSp7r

🚨 _*हास्य टॉनिक हा विनोद ग्रुप*_
     https://chat.whatsapp.com/BQ2B2EXqZ6nHGOEv8X33ZV

💥 _*Telegram या अतिशय फायदेशीर शोशल अँप वरील ग्रुप*_ 💥
🚨 _*ऑनलाईन शॉपिंग ग्रुप*_

https://t.me/joinchat/E8_OhxOOXLYr7j5af4knAA

🚨 _*मराठी, हिंदी, व भाषांतरित केलेले इतर सर्व हॉलीवूड, टॉलीवूड चित्रपट डाउनलोड करून पाण्यासाठी उपलब्ध करून देणारा टेलिग्राम ग्रुप*_
https://t.me/joinchat/E8_OhxrbBI009tQdV-X3-w
🚨 _*अमेझॉन (amezon) या जागतिक लेव्हलवरील ऑनलाईन शॉपिंग साईटवरील महत्वाच्या डील डिस्काउंट लिंक पुरविणारा चॅनेल*_
  https://t.me/dkamezondeals

🚨 _*वाचू आनंदे हा whatsapp वरील प्रसिध्द ग्रुप आता टेलिग्राम वर पण*_

https://t.me/joinchat/E8_OhxZEIc748o70FKjROA


💥 टेलिग्राम वरील ग्रुप्स ना जॉईन होण्यासाठी *टेलिग्राम* हे अँप इन्स्टल करा यावरील पोस्टने फोनमेमरी भरत नाही व कितीही जुनी पोस्ट पाहता येते (तुमच्याकडून डिलीट झाली असली तरी )

🚨 _*ऑनलाईन शॉपिंग ग्रुपचे फेसबुक पेज लिंक*_

https://www.facebook.com/DKonlineshoppingmall/

🙏 याशिवाय हॅलो अँप, इन्स्टाग्रामवर, व ट्विटर च्या माध्यमातून ही आपल्यासाठी उपलब्ध आहे तेथे *DK online shopping mall* असे सर्च करा व फॉलो करा

🚨 _*टेक्नॉलॉजी, एज्युकेशनल व मोटिव्हेटीव्ह व्हिडीओ देणारा  Symbol of knowledge हा युट्युब चॅनेल खलील लिंक्सवरून सबस्क्राईब करा*_
http://www.youtube.com/c/SymbolOfKnowledgeDK

🚨 _*विविध प्रकारची माहिती व लेख वाचण्यासाठी Symbol of knowledge या ब्लॉगला खालील लिंकने आवश्य भेट देऊन ईमेल आयडी ने कनेक्ट व्हा*_

https://dkgurukamble.blogspot.com/2020/05/blog-post_12.html?m=1#comment-form


🙏 *जॉईन व्हा व इतरांना कळवा मनःपूर्वक धन्यवाद*
➖➖➖➖➖➖➖➖➖➖➖

पायाचे दगड ...

ज्यांना भारत अविकसित, अनएमप्लॉयी वाटत होता ते फुकटच्या विमानाने देशात येत आहेत आणि
       जे देशाचे सच्चे निर्माण कर्ते आहेत ते शेकडो किलोमीटर पायी आपल्या गावी जात आहेत.
    गरीब मजूर अन्न पाण्याविना जीव गमावत आहेत तर बड्या उद्योगपतींची कोट्यवधींची कर्जे माफ होत आहेत

   #कोरोनामुळे प्रकर्षाने एक गोष्ट लक्षात इमारत उभी करताना पाया मध्ये घातलेल्या दगडांकडे नंतर कोणाचेच लक्ष जात नाही किंवा त्याची कोणी दागडुजीही करत नाही वरच्या भिंती आणि इतर सर्वाना मात्र सारखी रंगरंगोटी व संरक्षण दिले जात असते
        ज्यांच्या जीवावर, घामावर , उन्हातान्हातील कष्टावर सगळं साम्राज्य उभं राहत असा एखादा वर्गपण असेल आणि तो एव्हढ्या मोठ्या संख्येने असेल याची आजपर्यंत कित्येकांना जाणीव सुद्धा नव्हती
           काम बंद पैसा बंद अशावेळी मरणाची पदोपदी भीती आणि मिळणारी शासकीय जेवणे यापेक्षा आपल्या घराकडे असणाऱ्या आपुलकीच्या जिवाभावाच्या माणसात जाऊन उपाशी मारायला तयार झाले तर नवल कसले.....
      ज्यांच्या रक्ताच पाणी करून सर्वांची भविष्ये फुलतात त्यांना भविष्यच नाही मग एव्हढी माफक अपक्षा का ठेवू नये आणि ती ही तुमच्या कोणत्याही गाड़ी विमाना शिवाय

  उद्या सर्व काही सुरळीत झाल्यावर पुन्हा यांचा वापर होणार असाच विना भविष्य विना स्वप्न आणि अदृश्य संख्येसह.......

प्रामाणिक सेवेचं दुर्दैवी फळ

©️✍️©️✍️©️✍️©️✍️

_*प्रामाणिक कामाचे दुर्दैवी फळ*_

     नमस्कार मित्रांनो आजची सकाळ मुळात एक अतिशय धक्कादायक व मन विषण्ण करणाऱ्या घटनेनं झाकोळून गेली. संपूर्ण जग कोरोना नामक विषाणूच्या प्रादुर्भावाने प्रभावित झाले आहे जगभरात लाखो लोक मृत्युमुखी पडले आहेत तर या कित्येक लोकांना याची लागण झाली आहे. सद्यस्थीतीतही याचा प्रादुर्भाव वाढत असून दिवसागणिक मृतांमध्येही भरच पडत आहे. अविकसित, विकसनशील याबरोबरच प्रचंड विकसित व स्वतःला जागतिक महासत्ता समजणारे देशही कोरोनाच्या तडाख्यातून सुटले नाहीत तर त्यांच्याकडे होणाऱ्या प्रचंड मनुष्यहानीने हतबलही झाले आहेत.  

    एकूणच प्रचंड मोठी राष्ट्रीय आपत्ती सर्वच देशांवर येऊन ठेपली आहे. आपल्या देशात ही आता कोरोनाने  बऱ्यापैकी आपले हातपाय पसरले आहेत जवळजवळ सर्व देशभरात *कोरोना पोजिटिव्ह* रुग्ण आढळले आहेत. आपले महाराष्ट्र राज्य तर कोरोना रुग्णाच्या संख्येमध्ये देशात प्रथम क्रमांकावर आहे. आपल्या राज्यात मुंबई आणि पुणे ही दोन महत्वाची शहरे कोरोना बाधित रुग्णाच्या धोकादायक संख्येच्या पुढे पोहोचली आहेत आणि त्यामुळे तेथील जनतेला अत्यंत कडक *लॉकडाऊनला* सामोरे जावे लागत आहे. त्याचबरोबर सतत कोरोना लागण होण्याची टांगती तलवार त्यांचावर आहे.  

   याच दोन शहरात संपूर्ण महाराष्ट्रातील गावागावातील  असंख्य लोक  काम, व्यवसाय व नोकरीच्या निमित्ताने वास्तव्य करून आहेत. आणि सध्याची या शहरांमधील धोकादायक स्थिती, बंद असलेले कामधंदे तसेच रीतसर परवानगीने गावी जाण्याची मुभा मिळाल्यामुळे एरव्ही गावाच्या नावाने नाकं मुरडणारे हे लोक सरसकट गावाकडे धाव घेत आहेत. साहजिकच जिल्हा, तालुका, आणि पर्यायाने ग्रामीण प्रशासनावर प्रचंड ताण वाढला आहे, कारण परवाना घेऊन का असेना पण धोकादायक प्रदेशातून येणाऱ्या सर्वाना कोणत्याही तपासणी विना किंवा काळजीविना सामावून घेणे ही सर्वात मोठी चूक ठरू शकते तसेच त्याचे गंभीर परिणामही सर्वानाच भोगावे लागू शकतात आणि म्हणूनच जिल्हा, तालुका व गावांच्या सीमेवर *तपासणी नाके* उभारून येणाऱ्या गाड्या थांबवून आतील लोकांची कसून तपासणी केली जात आहे. त्यांच्याकडील परवाने त्यांच्यामध्ये कोरोना विषयक काही  लक्षणे , ते कोणत्या ठिकाणाहून ते आले आहेत व कोणत्या गावी जाणार आहेत याबाबतची सर्व तपासणी केली जात आहे. योग्य परवाने व लक्षणेविरहित लोकांना गृह अलगिकरणाचा शिक्का मारून सोडले जात आहे तर लक्षणे सदृश्य लोकांना अधिक तपासणी साठी जिल्हा कोविड सेंटरवर संदर्भित केले जात आहे. 

   मित्रानो ! चेक पोस्ट वरील एव्हढ्या जबाबदाऱ्या केवळ आरोग्य कर्मचारी व पोलीस यांच्याकडून होणं शक्य नाही कारण एव्हढ्या मोठ्या संख्येने या दोन्ही विभागात मनुष्यबळ नाही शिवाय पोलीस व आरोग्य कर्मचाऱयांना चेक पोस्ट  व्यतिरिक्त यासबंधीत अनेक जबाबदाऱ्या पार पाडाव्या लागत आहेत.  त्यामुळे शासनाला अधिक मनुष्यबळाची आवश्यकता भासत आहे , आणि मग साहजिकच शासनाचे लक्ष शिक्षकांवर गेले नाही तरच नवल.

      मित्रानो प्रत्येक राष्ट्रीय कामात व आपत्तीमध्ये *शिक्षक हा आपली जबाबदारी प्रचंड प्रामाणिकपणे व तन मन धनाने पार पाडतो* हा आज पर्यंतचा अनुभव आहे आणि म्हणूनच कोरोनाच्या या राष्ट्रीय संकटाच्या काळात पुन्हा एकदा याच प्रामाणिक शिक्षक मनुष्यबळाची मदत शासनाने घेण्याचे ठरवले आणि सर्वत्रच चेक पोस्ट व इतर अनेक ठिकाणी प्रशासन , पोलीस व आरोग्य कर्मचाऱयांच्या खांद्याला खांदा लावून शिक्षक काम करताना दिसू लागले आहेत.

    कोणतेही रीतसर प्रशिक्षण नाही (अर्थात ते देण्यासाठी वेळ व स्थिती नाहीच पण वेगळ्या मार्गानी परिपूर्ण सुचना देता आल्या असत्या पण त्याही  नाहीत ) काम करीत असलेल्या ठिकाणी त्यांच्या सुरक्षिततेसाठी सुविधांची ( हँड सॅनिटाईजर, मास्क इ)  पण वाणवा आहे. पण कोणत्याही *परिस्थितीत तक्रार न करता आपले काम प्रसंगी स्वतः सुविधा उपलब्ध करून प्रामाणिकपणे पार पाडणे* हीच शिक्षकांची ओळख आहे जी की सर्वच विभागातल्या कर्मचाऱयांनी त्यांच्याकडून शिकण्यासारखी आहे.

    पण मित्रानो आजच्या दुःखद बातमीने हीच *विना तक्रार प्रामाणिकपणे* काम करण्याची वृत्तीच शिक्षकांच्या जीवावर उठली आहे की,  काय असे वाटत आहे.  

      सांगली जिल्ह्यातील जत तालुक्यातील एका तपासणी नाक्यावर काम करणाऱ्या एका तरुण  शिक्षकाला ट्रकने उडवले व त्याचा मृत्यू झाला मित्रानो या बातमीने केवळ काम करणाऱ्याच नाही तर सर्वच शिक्षकांना धक्का बसला असून एक संतापाची भावनाही निर्माण झाली आहे.            

       शिक्षकांची तपासणी नाक्यावरील नेमणूक ही केवळ येणाऱ्या गाडीतील प्रवाशांची रजिस्टर मधील विविध मुद्द्यानूसार नोंद करणे (लिखाणाचे काम ) एव्हढीच आहे. तर त्यांच्यासोबत असणाऱ्या पोलीस कर्मचाऱयांनी गाड्या थांबवणे (कारण त्यांना पाहताच चालक गाडी थांबवतो तसेच या कामचा त्यांना अनुभव व सराव ही असतो ) विचारणा करणे व आरोग्य कर्मचारी यांनी त्यांची कोविड बाबतची लक्षणे तपासणे अशी कामाची विभागणी आहे. आणि या प्रत्येकाच्या कामासाठी प्रत्येकाने आपल्या ड्युटीच्या वेळेत पूर्ण वेळ प्रामाणिकपणे उपस्थित असणे आवश्यक आहे. एखाद्याच्या अनुपस्थितीने त्याचे काम दुसऱ्या ला करावे लागत असेल तर ते धोकादायक आहे. 

      सांगलीतील त्या चेकपोस्ट वर नेमकी कोणती परिस्थिती होती ज्यामुळे एका शिक्षकाला आपले काम सोडून गाड्या अडवाव्या लागल्या व त्याच्या मृत्यूला कारणीभूत ठरावे लागले याची निश्चितच चौकशी झाली पाहिजे.

 (✍️ दिपककुमार कांबळे 

उपशिक्षक - जि प शाळा शेवडेवस्ती, ता - शिराळा जि - सांगली )

     मित्रानो माझ्या लेखाच्या शिर्षकाचा हेतूच असा आहे की आपण प्रामाणिकपणे काम करतो हे सर्वथा योग्य आहे. दिलेलं काम जबाबदारी प्रत्येकाने प्रमाणिकपणेच पार पाडली पाहिजे पण कधी कधी हीच प्रवृत्ती आपल्या जिवावर उठत आहे माझ्या तरुण मित्राने ट्रक अडवण्याचा प्रयत्न केला इतपत ठीक आहे पण जेव्हा तो थांबला नसल्याचे पाहून त्याने त्याचा पाठलाग केला व पुढे जाऊन गाडी आडवी घालून त्याला अडवण्याचा प्रयत्न केला खरं सांगा मित्रानो इतकं करण्याची खरच गरज होती का ? एक तर अडवल्यानंतर तो ट्रक थांबला नाही तेव्हा त्यांनी ते इतरत्र कळवणे व शांतपणे बसने गरजेचे होते. पण माझ्या या बांधवाने पुढील धोकादायक कृती केली अर्थात मी त्याला दोष देतोय असे नाही पण आज त्याच्या घरचेही धाय मोकलून रडताना मनातून हेच म्हणत असतील. 

मित्रानो! आजचा दिवस आपल्या सर्व शिक्षकांसाठी दुःखद तर आहेच पण काहीतरी शहाणपण शिकण्याची संधी देणाराही आहे. अंशदान पेन्शन योजनेमध्ये असणाऱ्या या माझ्या बांधवांच्या कुटुंबाला कसा हातभार मिळणार या *प्रसंगाने नव्या पेन्शनचा धोकाही पुन्हा एकदा अधोरेखित झाला आहे.* कोरोना बाबतीत काम करणाऱ्या पोलीस व आरोग्य कर्मचारी यांना शासनाने विमा संरक्षण दिले आहे पण हेच काम करणाऱ्या *शिक्षकांना मात्र अजून काहीही जाहीर केले नाही.*

  प्रशासनाने तर याची दखल घ्यावीच मात्र सर्व *शिक्षक संघटनांनी सुद्धा या माझ्या बांधवांच्या पश्चात कुटुंबातील सदस्यांसाठी मदत मिळवून देण्यासाठी जीवाचे रान करावे अशी विनंती करतो.*

   मित्रा, तुला शाश्रु नयनाने  भावपूर्ण श्रद्धांजली तुझ्या कुटुंबाला हे डोंगराएव्हढं दुःख पेलवण्याची शक्ती मिळावी ही प्रार्थना!!🙏🙏🙏

💐💐💐💐💐💐💐💐

✍️✍️✍️✍️✍️✍️✍️✍️

©️ दिपककुमार कांबळे

उपशिक्षक - जिल्हा परिषद प्राथमिक शाळा शेवडेवस्ती, मांगले ता - शिराळा जि - सांगली

➖➖➖➖➖➖➖➖➖➖➖